Xəbər verdiyimiz kimi, Türkiyənin Malatya şəhərində təhsil alan dörd azərbaycanlı tələbə zəlzələ zamanı uçqun altında qalıb.  

Dünəndən başlayaraq tələbələrimizin axtarışına yapon və çin xilasedicilər də qoşulub.

44Gun.Az bildirir ki, dağıntılar altında qalan dörd tələbədən biri olan Şahin Vəliyevin anası Esmira xanım azxeber.com-a açıqlamasında axtarışların davam etdiyini deyib:

"Hələ heç bir xəbər yoxdur. Axtarışlar davam edir. Orada baş verən ən son xəbərləri bizə verirlər. Ancaq yeni xəbər yoxdur".

Yapon mütəxəssislərin hiss etdiyi insan nəfəsinin hansı tərəfdən gəldiyinin bilmədiyini deyən ana, axtarışların nəticələrini gözlədiklərini bildirilib: 

"İnsan nəfəsi bilmirəm hansı tərəfdə hiss olunub. Heç bir məlumatımız yoxdur bu haqda".