Milli Hidrometeorologiya Xidmətinin məlumatına görə, bu gün günün ikinci yarısından başlayaraq ölkə ərazisində hava şəraitinin kəskin dəyişəcəyi, temperaturun xeyli enəcəyi, yağıntılı keçəcəyi, sulu qar, qar yağacağı, ayrı-ayrı yerlərdə intensivləşəcəyi, bəzi ərazilərdə güclü külək əsəcəyi proqnozlaşdırılır.

Fövqəladə Hallar Nazirliyi də gözlənilən kəskin hava şəraiti ilə əlaqədar əhaliyə müraciət edibvə müvafiq təhlükəsizlik qaydalarına riayət etməyə çağırıb.

Bakı Şəhər İcra Hakimiyyəti mətbuat xidmətindən Cebhe.info-ya verilən məlumata görə, kəskin hava şəraiti ilə əlaqədar öncədən tədbirlər görülüb:

"Dünəndən etibarən rayon icra hakimiyyətləri, o cümlədən şəhərin kommunal və digər qurumlarının əməkdaşları xüsusi gücləndirilmiş iş rejiminə keçib. Xüsusi kommunal texnikalar hazır vəziyyətə gətirilib. İşçilərə xəbərdarlıq edilib, işçi qrupumuz da hazırlıqları bitirib. Yollarda qar və buz əleyhinə kifayət qədər duz ehtiyatımız var. Qar başladığı təqdirdə, xidmətə start veriləcək".