Hətta bu səbəbdən köç edənlərdən yenidən Bakıya qayıdanların olduğu da deyilir. Qeyd olunur ki, işğaldan azad olunmuş ərazilərdə ictimai-iaşə müəssisələri və marketlərdə qiymətlər həddindən artıq bahadır.

Bu məlumatlar nə dərəcədə əsaslıdır? İşğal olunan ərazilərdə "qaz vurub qazan doldurmaq" istəyən fürsətcillər kimlərdir?

Bakupost.az bu və digər suallara aydınlıq gətirmək üçün Laçın rayonu, Mişni kənd sakini Arif Gürşadoğlu ilə söhbət edib.

Müsahibimiz bildirib ki, həqiqətən də Laçına köçürülən 300 ailədən bir qismi şəraitsizlik ucbatındna geri qayıdıb:

"Əhalinin işlə təminatı məsələsi ilə bağlı problemlər var. Eyni zamanda yerli sakinlərə təsərrüfatla məşğul olmağa icazə verilmir. Təsəvvür edin, kimsə çörək almaq üçün şəhərin bu başından o başına getmək üçün taksiyə 5 manat pul ödəməyə məcburdur. Mağazalarda, çayxana və kafelərdə qiymətlər həddindən artıq yüksəkdir. Bakıda 5-6 manata satılan bir şiş kabab Laçında 10 manata satılır".

A.Gürşadoğlu Laçında yaşayış evlərinin bərpası məsələsindən də narazılıq edib. Onun sözlərinə görə, Laçın şəhidlərinin evlərinin bərpası məsələsi yubadılır. Eyni zamanda evlər bərpa olunan zaman qonşuların əraziləri zəbt olunur ki, bu da gələcəkdə ciddi problemlərə səbəb olacaq:

"Bu işlərlə məşğul olanlar sanki qarşılarına məqsəd qoyublar ki, Laçına qayıdış baş tutmasın".

Ətraflı videomüsahibədə: