Qaz İxrac” İdarəsinə məxsus “Altıağac-Ağsu” magistral qaz kəmərinə yeni çəkilmiş yüksək təzyiqli magistral qaz kəmərinin birləşdirilməsi ilə bağlı noyabrın 1-dən 3-dək (3 gün müddətində) “Mədrəsə” QPS-dən qaz təchizatının dayandırılması planlaşdırılır.

Bu barədə “Azəriqaz” İstehsalat Birliyi məlumat yayıb. Bildirilib ki, təmir işləri aparılan müddətdə (üç gün) Şamaxı rayonunun Mədrəsə qəsəbəsinin və Adnalı, Kərkənc, Mirikənd, Məlikçobanlı, Çaylı, Qaravəlli, Sabirli, Çarhan, Quşçu, Məlcək, Kələxana, Göylər, Dağ Bağırlı, Nüydü, Yenikənd kəndlərinin qaz təchizatında müvəqqəti fasilə yaranacaq. 

Məsələ ilə bağlı Cehhe.info statistik göstəricilərə istinadən bildirir ki Mədrəsə qəsəbəsinin 2200 nəfər sakini var. Qalan 15 kəndin əhali sayı isə belədir: Adnalı 965 , Kərkənc 730 , Mirikənd 799 , Məlikçobanlı 1882 , Çaylı 1682 , Qaravəlli 1143 , Sabirli 380 , Çarhan 2600 , Quşçu Məlçək 487 , Kələxana 804, Göylər  6462, Dağ Bağırlı 1258 , Nüydü 630 , Yenikənd 180 nəfər. 

Payız fəslində bu kəndlərin minlərlə sakin, yuxarıdakı rəqəmlərə dayanaraq 22 mindən çox əhali qaz əvəzinə nədən istifadə edəcək və gündəlik tələbatlarını necə qarşılayacaqlar?

Şamaxı rayon İcra Hakimiyyətindən məsələ ilə bağlı Cebhe.info-ya bildiriblər ki, təlaşa səbəb yoxdur:

"Əvvələr də kəndlərdə qazın verilişində fasilələr olub. Lakin kənd sakinləri öz ehtiyaclarını qarşılamaq üçün ehtiyat odun tədarükləri görürlər. Ona görə də ciddi problem yaranacağını düşünmürük ".