Gürcüstanda azərbaycanlıların kompakt yaşadığı Saqareco rayonunun Ləmbəli kəndində 14 yaşlı Aytac Şahmarovanın qətli ilə bağlı daha iki nəfər həbs edilib.

44Gun.Az qafqazinfo-ya istinadən xəbər verir ki, bu barədə Gürcüstan Daxili İşlər Nazirliyi məlumat yayıb.

Bildirilib ki, Kaxeti Polis Şöbəsinin əməkdaşlarının həyata keçirdiyi əməliyyat-istintaq tədbirləri nəticəsində Saqareco bələdiyyəsinin Ləmbəli kəndində yaşayan Aytacı qətlə yetirməkdə təqsirli bilinən "əri" Alim Sadiqovun əmisi, 1972-ci il təvəllüdlü A.A. və 1997-ci il təvəllüdlü əmisi oğlu B.A. cinayət barədə məlumat verməmək ittihamı ilə həbs edilib.

Onları 7 ilə qədər azadlıqdan məhrumetmə cəzası gözləyir.

Qeyd edək ki, ötən gün sözügedən qəttlə bağlı Aytacın anası ilə dayısı da həbs edilib. Onlar yeniyetmə qızı zorla ərə verməyə görə ittiham olunurlar.