Tarixə düşən faciə 1998-ci ilin oktyabrında Mərkəzi Afrikada baş verib. Daha sonra futbol matçı zamanı bir komandanın 11 oyunçusu oyunun ortasında meydançaya düşən ildırımdan qəfil dünyasını dəyişib.


44gun.az  bildirir ki, Konqo Demokratik Respublikasında (Mərkəzi Afrika) futbol matçı zamanı 11 nəfərin ildırım vurması nəticəsində ölməsindən 25 il keçir.
 

1998-ci ilin oktyabrında Bena Tshadi Kasai əyalətində futbol matçı zamanı ildırım çaxıb. Yerli məlumatlara görə, bir komandadan 11 nəfər birbaşa zərbə nəticəsində həlak olub. Oyunda iştirak edən daha 30 nəfər yanıq xəsarətləri alıb.
 

"Futbol matçı zamanı ildırım 20-35 yaş arasında olan 11 gənc oyunçunu bir zərbədə öldürüb. Rəqib “Basanqa” oyunçuları isə, təəccüblü şəkildə, fəlakətdən sağ-salamat çıxıblar"-o vaxt yerli qəzet yazıb.
 

“Bena Tshadi” komandasının bütün üzvləri faciəli şəkildə həyatını itirdiyi halda, rəqib “Basanqa” komandası qəribə şəkildə fəlakətdən sağ-salamat çıxıb. Bu hadisə cadugərliklə bağlı ittihamlara səbəb olub, çünki Mərkəzi və Qərbi Afrikada bir çox komanda çox xurafatçıdır və cadugərlərin xidmətindən istifadə edir.

"İldırımın mənşəyinin dəqiq təbiəti futbolda fetişlərdən istifadə etməsi ilə tanınan bu bölgənin əhalisini ikiyə bölüb"- yerli qəzet əlavə edib.
 

Qeyd edək ki, ərazinin böyük hissəsi vətəndaş müharibəsinə məruz qaldığı üçün bu insidentlə bağlı xəbərlər heç vaxt rəsmi şəkildə təsdiqlənməyib.
 

Lakin futbol matçı zamanı ildırımın insanları vurması yeganə hal deyil. Tarixdə bu kimi çox dəhşətli və ürəkağrıdan halları qeydə alınıb. Elə bu ay Hertfordda (Böyük Britaniya) futbol matçı zamanı 13 yaşlı uşaq da daxil olmaqla iki nəfəri birbaşa ildırım vurub. “The Sele School”da rayon turnirində oynayan yeniyetmə sinəsindən zərbə alıb. Hadisədən iki gün sonra uşağın vəziyyətinin ağır, lakin stabil olduğu bildirilib.(sfera.az)