Xəbər verdiyimiz kimi, Qarabağdakı separatçıların keçmiş “prezident”ləri Arkadi Qukasyan (1997-2007), Bako Saakyan (2007-2020), Arayik Arutyunyan (2020-2023) və “Daşnakasutyun” partiyasının “Qarabağ təmsilçisi”, xunta rejiminin “parlament sədri” David İşxanyan törətdikləri cinayət əməllərinə görə barələrində aparılan cinayət işləri üzrə Azərbaycan Respublikası Dövlət Təhlükəsizliyi Xidməti tərəfindən saxlanılıb.

Onlar törətdikləri və rəhbərlik etdikləri cinayət əməllərinə görə Azərbaycan qanunları qarşısında cavab verəcəklər.

44Gun.Az Modern.az-a istinadən mövzunun aktuallığını nəzərə alaraq seprartçıların keçmiş liderlərindən olan Arayik Arutyunyanın dosyesini təqdim edir.
 

A.Arutyunyan 14 dekabr 1973-cü ildə Azərbaycanın Xankəndi şəhərində anadan olub.

1990 — Xankəndi şəhərində fizika-riyaziyyat təmayüllü məktəbi bitirib və elə həmin il Ermənistan Xalq Təsərrüfatı İnstitutuna qəbul olunub.

1994–1995 — Xankəndi Pedaqoji İnstitutunun iqtisadiyyat fakültəsində təhsil alıb.

1996–1998 — Xankəndi Pedaqoji İnstitutunun iqtisadçiyyat sahəsi üzrə aspiranturasında təhsil alıb.

2013-cü ildə dissertasiya müdafiə edərək texniki elmlər namizədi adını alıb.

1992 — qondarma “Dağlıq Qarabağ respublikası”nın qanunsuz silahlı dəstələrinə qoşulub, Qarabağ müharibəsində separatçı kimi döyüşlərdə iştirak edib.

1995–1997 — qondarma “respublikanın iqtisadiyyat və maliyyə nazirinin köməkçisi” kimi fəaliyyət göstərib.

1997–1999 — "Armaqrobank"ın Əsgəran filialının rəhbəri vəzifəsində çalışıb.

1999–2004 — "Armaqrobank"ın Xankəndi filialının rəhbəri vəzifəsində çalışıb.

2005–2007 — qondarma “respublikanın parlamentinin deputatı”, "Azad Vətən" partiyasının sədri, "Vətən" fraksiyasının rəhbəri olub.

2009 — yenidən "Azad Vətən" partiyasının sədri seçilib.

14 sentyabr 2007 — qondarma “respublika”nın başçısı Bako Saakyanın təqdimatı ilə “parlament” tərəfindən “baş nazir” seçilib.

2010-cu ildə rəhbərlik etdiyi "Azad Vətən" partiyası qondarma “respublika”nın “parlamenti2nə keçirilən “seçkilər”də 33 yerdən 14-nü qazanaraq qalib gəlib.

2012-ci ilin sentyabrında qondarma “respublikanın başçısı” Bako Saakyanın təqdimatı ilə “baş nazir” seçilib.

25 sentyabr 2017 – 6 iyun 2018-ci illərdə qondarma “respublika”nın “dövlət naziri “olub.

31 mart 2020-ci ildə qondarma” respublika”nın başçısı “seçkilər”ində birinci turda 1-ci yeri tutub.

2020-ci sentyabrın 1-də separatçıların başçısı postundan istefa verib.