"Minsk Belarusun suverenliyini və ərazi bütövlüyünü qorumaq üçün hər hansı alətdən istifadəni istisna etmir".

44Gun.Az xəbər verir ki, bu bəyanatla sentyabrın 26-da Belarusun xarici işlər naziri Sergey Aleynik çıxış edib.

Diplomatın qeyd edib ki, Rusiyanın taktiki nüvə silahlarının Belarusda yerləşdirilməsi onun qərb sərhədində çox geniş hərbiləşdirməyə cavabdır.

Aleinik vurğulayıb ki, o, Rusiyanın Belarusa nüvə silahından istifadə etməyi əmr edəcəyi ssenarini təsəvvür edə bilməz: "Bu, ilk növbədə, müdafiə vasitəsidir".

Daha əvvəl Belarus lideri Aleksandr Lukaşenko bildirib ki, Belarus ərazisində taktiki nüvə silahlarının yerləşdirilməsi Şərqi Avropanın sürətləndirilmiş hərbiləşdirilməsinə adekvat cavabdır, çünki hazırkı beynəlxalq vəziyyət görünməmiş dərəcədə gərgin olaraq qalır.

Belarus Milli Assambleyasının Nümayəndələr Palatasının beynəlxalq məsələlər daimi komissiyasının sədri Andrey Savinıx qeyd edib ki, Rusiya taktiki nüvə silahlarının Belarus ərazisində yerləşdirilməsi respublikaya Qərbi Avropa dövlətləri ilə strateji paritet formalaşdırmağa imkan verib.

"O cümlədən bölgəmizdə hərbi potensial yaratmaq üçün NATO-nun bütün səylərini puç edir", - Savinıx qeyd edib./publika.az/