Türkiyənin Hakkari bölgəsi üçün mütəxəssislər 7 baldan yuxarı zəlzələlərin ola biləcəyini, bögənin isə buna qəti hazır olmadığını irəli sürüblər.

44GÜN.AZ BAKU.WS-ə istinadən xəbər verir ki, bu barədə Türkiyə Mühəndis və Memarlar Palataları İttifaqının (TMMOB) Hakkari əyalət Koordinasiya Şurasının katibi Evin Gezer açıqlama verib.

O, bildirib ki, 7 bal və daha çox təkan verə bilən fay xəttindəki şəhər zəlzələyə hazır deyil, üstəlik xəbərdarlıqlar da nəzərə alınmır.

"Hakkari üçün narahatlıq artır. Hakkari bölgəsində tarix boyu bir çox böyük zəlzələnin baş verdiyi bildirilir. Hakkari Türkiyə Zəlzələ Təhlükə Xəritəsində zəlzələ fay zonalarında yer alan vilayətlər arasındadır. Yüksekova qəsəbəsi və ətrafı Türkiyədə böyük zəlzələlərə səbəb ola biləcək mühüm seysmik boşluqlardan biri hesab edilən Yüksekova-Şəmdinli qırılma zonasında yerləşir. Yüksekova-Şemdinli qırılma zonası, Başkale qırağı, Bitlis-Zaqros dayaq kəməri və Salmas (İran) qırılma zonası yaxınlığında yerləşir".

"Hakkarinin ən böyük riski, şəhərə giriş-çıxış üçün yeganə yolu 40 ildir tikilmiş körpünün təmin etməsidir. O yol təbii fəlakət zamanı insanların qaça biləcəyi yeganə yoldur. Onun funksionallığını tamamilə itirəcəyi isə açıq-aydındır. Yolun birləşmə nöqtəsi olan Depin körpüsü dağılarsa, Hakkaridə yaşayan insanlar taleyin ümidinə buraxılacaqlar. Körpü şəhərin aşağı hissəsində yerləşdiyi üçün təbii fəlakət zamanı ziyarət ediləcək son nöqtə kimi də görülə bilər".