Azərbaycanın təklifi əsasında Yevlaxda Azərbaycan Qarabağda yaşayan erməni nümayəndələri görüşün keçirilməsi razılaşdırılıb və bütün logistik məsələlər yekunlaşıbmış. Azərbaycan Xarici İşlər Nazirliyi yaydığı bəyanatda bildirilir ki, Qarabağın erməni sakinlərinin nümayəndələri razılıqları son anda pozub.

Mövzu ilə bağlı danışan sabiq xarici işlər naziri Tofiq Zülfüqarov bildirdi ki, bu addım, Ermənistanın böyük oyununun bir hissəsidir. Ermənilər həmyerlilərini orada girov kimi saxlayıb humanitar problemlərdən bəhanə kimi istifadə edirlər.

“Bunun təşkilatçıları əslinə qalsa, hər hansı təxribat dalğasını yaratmağı hədəfləmişdilər. Məntiqsiz və absurd bir məsələni təbliğ edirdilər.  Çünki onlar Laçının blokadada olduğunu və humanitar problemlərin mövcudluğunu deyirlər. Amma Azərbaycan ilk günlərdə bəyan edib ki, humanitar əlaqələr üçün Laçın yolu maneəsiz istifadə edilir.  Onların dediyi "humanitar yük"lərin gətirilməsi əvvəlcədən Azərbaycan tərəfi ilə razılaşdılmalı idi. Azərbaycan tərəfi yüklərin daşınması üçün alternativ Ağdam-Xankəndi yolunu müəyyən ediblər. Bu yolun həm də dəmir yolu xətti mövcuddur.  Hesab edirəm ki, yaxın vaxtlarda həmin yolun bərpa olunması ilə bağlı xəbəri eşidəcəyik. Digər bir məsələ ondan ibarətdir ki, Azərbaycan tərəfi 2020-ci il dekabrdan bu yana təklif edirdi ki, sülhməramlıların əməliyyatı və onun təminatı Ermənistan yox, Azərbaycan ərazisində baş tutsun. Çünki bu və ya digər ölkə Azərbaycandır və Ermənistanın ərazisini istifadə etmək məntiqsizdir.  Həmçinin bu, maraqlarımıza ziddir. Bəllidir ki, kimsə bu təminata nəzarət edirsə, prossesi tam şəkildə təmin edir. Görünən odur ki, bunların arxasında məhz sülhməramlıların tələbi qəbul etməməsi dayanır. Ermənilər həmişə olduğu kimi Rusiyanın bizə qarşı bu və ya digər siyasətin həyata keçirilməsində yardımçı mövqe tuturlar”, - o deyib.

T.Zülfüqarov qeyd etdi ki, Ermənistanın bu addımları onların Amerika siyasətinin bir üslubudur.
“Azərbaycanın Ermənistana  təklif etdiyi alternativ yol və digər tələbləri qəbul etməməsi onu göstərir ki, əslində "humanitar fəlakət" yoxdur.
Prosselər onu göstərir ki,  ermənilər bizə qarşı anneksiya siyasətini davam etdirirlər. Ermənistanın BMT Təhlükəsizlik Şurasına son müraciətinin məqsədi də ərazilərimizin zəbtetmə siyasətidir.   Digər bir məqsəd Rusiyanın bölgədəki sülhməramlı kontingentini orada saxlamaqdır. Çünki bu addımlar və bu təxribat məhz Türkiyə prezidentinin Vilnüsdəki bəyanatından sonra baş verib. Ərdoğan bildirib ki, Rusiyanın 2025-ci ildə bölgəni tərk edəcəyinə əmindir. Rusiya lideri Putinin Türkiyəyə gözlənilən səfəri çərçivəsində bir sıra məsələlərlə yanaşı həmçinin Cənubi Qafqazdakı vəziyyət də müzakirə ediləcək” , - deyə sabiq nazir yekunlaşdırdı.