İyul tarixdə qeydə alınmış ən isti ay olacaq.
44gun.az xarici KİV-ə istinadən xəbər verir ki, bunu BMT-nin Dünya Meteorologiya Təşkilatı və Avropanın Kopernik İqlim Dəyişikliyi Xidməti bildirib.
Hesabatda təsdiqlənib ki, iyulun ilk üç həftəsi indiyə qədər qeydə alınmış ən isti üç həftəlik dövr olub və iyul ayı indiyə qədər qeydə alınmış ən isti ay olmaq yolundadır.
BMT-nin baş katibi Antonio Quterreş hesabata münasibət bildirib: "İqlim dəyişikliyi buradadır. Bu, dəhşətlidir. Bu, hələ başlanğıcdır".
"2023-cü ilin iyulu bütün dünya rekordlarını qıracaq. Qlobal qaynama dövrü gəldi", - deyə BMT Baş katibi bildirib.
