Cənubi Koreya Prezidenti Yun Sok Yolun qayınanası Çxve In Sun sənəd saxtalaşdırdığına görə hökmdən verilən apellyasiya şikayəti rədd edildikdən sonra saxlanılıb.

44GÜN.AZ xarici KİV-ə istinadən xəbər verir ki, qərar elan edildikdən sonra 76 yaşlı qadın huşunu itirib.

Qeyd edək ki, hökm 2021-ci ildə çıxarılıb. Daha sonra müttəhimə bir il həbs cəzası verilib, lakin apellyasiya şikayətinə görə onu həbs etməyiblər.

Çxve In Sun özünü təqsirli bilməyib.

Məlumata görə, Prezidentin qayınanası 34,7 milyard von (təxminən 27 milyon dollar) məbləğində depozit sertifikatı saxtalaşdırmaqda təqsirli bilinib. O, bu sənəddən 2013-cü ildə Sonnam şəhərində torpaq sahələri almaq üçün istifadə edib. Məhkəmə bunu ağır cinayət hesab edib.

O, 2015-ci ildə dövlət tibbi sığorta müavinətlərinin saxta yolla alınmasına görə başqa cinayət işində təqsirli bilinib. Birinci instansiya məhkəməsi onu 3 il müddətinə azadlıqdan məhrum edib, lakin sonradan bəraət alıb.

Xatırladaq ki, Yun Sok Yol 2022-ci ilin mayından Cənubi Koreyaya rəhbərlik edir. Bundan əvvəl o, baş prokuror olub (2019-2021), Seul Prokurorluğunda işləyib. /konkret.az/