Aktrisa Kəmalə Quliyevanın xalq artisti Nurəddin Mehdixanlının qızı olmasını sübut edən sənədi paylaşandan sonra xalq artisti sosial şəbəkə vasitəsi ilə məsələyə münasibət bildirib.

44GÜN.AZ xəbər verir ki, N.Mehdixanlı bildirib ki, özünü bu sayaq yarıçılpaq şəkillərlə təqdim edən və bu əməliylə fəxr edən hər kim olursa olsun, doğmam olsa belə mənim qızım ola bilməz:

" Mənim ailəm 5 neferden ibarətdir.1988- ci ildə ailə qurmuşam. Həyat yoldaşım müəllimədir. Bu dünyanın ən sədaqətli və etibarlı qadınlarından biridir. Onun üçün hər an həyatımı qurban verməyə hazıram. İki qızım, bir oğlum var. Əxlaq və tərbiyələri onu tanıyanlara bəllidir. Alınları öpüləsi həyatımın mənası olan qızlarım Ayturan, Alagöz və oğlum Ərturan. Məndən sonra ocağıma sahib duracaq kişi. Və bu ailənin birliyi və bütövlüyünə kimsə toxuna bilməz.Bu ailənin ünvanına kimsə ləkə gətirə bilməz.

Özünə Nurəddin Mehdixanlının qızıyam deyən kəs, bu cür qəbuledilməz hərəkətə yol verə bilməz. Və mən buna qəti şəkildə etiraz etmişəm. Kəmalə Quliyeva bu etirazı gözlüyürmüş kimi bütün saytlara müsahibə verməyə başlayıb.

Hər kəsin səhvləri, günahları ola bilir. Amma 58 yaşlı bir insanı, sənət adamını, bütün ömrünü, həyatını, sağlamlığını, millətinə, mədəniyyətinə sərf etmiş insanı mənəvi terror vasitəsi ilə qatil etmək nə dərəcədə ədalətli və doğrudur?

Mən sosial şəbəkələrdə yarıçılpaq şəkildə özünü reklam edən hər kim olursa olsun, hər nəyim olursa olsun qızım deyə bilmərəm. Mənim qızım belə olmamalıdır. Məgər mən səhv etmişəm? Qətiyyən. Mən bu məsələdə özümü haqlı sayıram.

Kamran Quliyevden soruşuram sən Kəmalə Quliyevanı qardaşı olaraq qəbul edirsənmi? Bəlkə də sən qəbul edirsən, amma mən qəbul etmirəm. Heç vaxt da etməyəcəyəm".  /oxu.az/