Tanınmış idman jurnalisti, ATV kanalında yayımlanan "Futbolumuz" verilişinin aparıcısı Ceyhun Rzayev gözlənilməz paylaşım edib.

44GÜN.AZ xəbər verir, o, "Facebook" səhifəsində paylaşım edərək bu gün saat 11:00-da intihar edəcəyini bildirib:

"Dostlar, tanışlar, əgər kiməsə qarşı qüsurum olubsa - üzr istəyirəm. Haqqınızı halal edin.

Bu gün saat 11:00-da intihar edəcəm. İntihar anonsu verən hər bir şəxs, əslində xilas olmağı ümid edir. Amma mənim məqsədim başqadır. Televiziya və internet kanalları gəlib məni çəksinlər. İstəyirəm bütün Azərbaycan bunu görsün. Bəlkə bundan sonra məhkəmə hakimləri analoji qərar verərkən, məni xatırlayıb fikirlərindən dönərlər. Bəlkə bundan sonra Ədliyyə Nazirliyinin icra məmurları belə həssas qərarları icra etmək üçün canfəşanlıq göstərməzlər. Mən bədbəxt oldum, başqalarını bədbəxt etməsinlər.

Ünvan: Kaveroçkin küçəsi 8. Göy Məscidin arxasında Dərə marketin yaxınlığı".

Qeyd edək ki, Ceyhun Rzayev uzun müddətdir ki, valideynləri ilə məhkəmə çəkişməsi yaşayır. Valideynləri onun və ailəsinin yaşadığı evdən çıxarılması barədə məhkəməyə müraciət ediblər.