Bu fikirləri Siyasi şərhçi Elxan Şükürlü deyib.

Onun sözlərinə görə, aktyor son zamanlar bədbinliyə qapılıb, hətta ölkədən getmək barədə düşünürmüş: “Rza ilə eyni rayondan olsaq da, onu Bakıda tanımışam və tanıdıqca da istedadına, zəngin daxili dünyasına, öz üzərində davamlı çalışmaq qabiliyyətinə, ədalət uğrunda savaşçı və yaradıcı ruhuna həmişə hörmətim, rəğbətim olub. Saytımız fəaliyyət göstərdiyi zamanlarda yazılarını çox sevə-sevə oxuyar və yayardıq.

Tanıyanlar bilir ki, 2018-ci ildə yaşadığı məlum xoşagəlməz hadisənin kökündə də məhz onun öz ailəsini və ləyaqətini qorumaq hissi, xarakteri durur.

Son vaxtlar tamam tərki-dünya olmuşdu. Qürurundan dilə gətirməsə də, sanki, cəmiyyətdən, zamanında müdafiəsində durduğu şəxslərdən daxilən umduğu, gözlədiyi dəstəyi ala bilmədiyindən, hamıdan küsmüş, incimişdi, hətta ölkədən getmək istəyirdi...

Özünü, ləyaqətini xarakteri və intellekti ilə hər yerdə qorumaq, müdafiə etmək bacarığı olan, ancaq qədərdən qaçmağın mümkün olmadığını da yaxşı bilən rejissor Rza Rzayev üçün bu müəmmalı həbsin onun yaradıcı ruhunu təzələməkdən başqa bir şey olmayacağı qənaətindəyəm”./bakupost.az/