Liverpulda keçirilən "Avroviziya 2023” Mahnı Müsabiqəsinin qalibi 583 xalla İsveç təmsilçisi Loren oldu.

44GÜN.AZ xəbər verir ki, mərakeş əsilli isveç müğənnisi 2012-ci ildə Bakıda keçirilən Avroviziya Mahnı Müsabiqəsində də iştirak etmiş "Euphoria" adlı mahnı ilə 372 balla müsabiqənin qalibi olmuşdu.

Musiqi ilə yanaşı müğənni eyni zamanda insan hüquqlarının qorunması sahəsində siyasi fəaliyyət göstərir. Səyahət etdiyi müxtəlif ölkələrdə Loren ölkənin siyasi məhbusları, insan haqları fəalları ilə görüşlər keçirir.

Bu il Loren müsabiqəyə "Tatoo" mahnısı ilə qatılıb. Mahnı və çıxışı həm tamaşaçılar, həm də münsiflər tərəfindən yüksək qiymətləndirilən Loren müsabiqənin ev sahibliyini yenidən İsveçə aparmağı bacarıb.