Uzun müddətdir ki, Azərbaycanda olan sığorta şirkətlərinin onlayn sistemləri "işləmir".

44GUN.AZ-xəbər verir ki, görə sığorta mütəxəssislərinin dilində yalnız bir ifadə məşhurlaşıb - "Sistem işləmir!". Məsələ ilə bağlı araşdırma aparan əməkdaşlarımız bir çox sığorta şirkətinə müraciət edərək yaranan problemləri üzə çıxarıblar. "Sistem işləmir" ifadəsi ən çox avtomobillərin icbari sığortası ilə bağlı müraciət edən vətəndaşlara deyilir. Belə ki, əgər sənin avtomobilinin  mühərrik həcmi 1500 kub/santimetrdən aşağıdırsa şirkət həmin mütəxəssisə müştəri cəlb etməyini nəzərə almır və əməkhaqqı vermir. Bu isə istehlakçıların hüquqlarının pozulması deməkdir, Çünki "İcbari sığortalar haqqında" Qanunda və Mülki Məcəllədə qeyd olunur ki, ölkə ərazisində olan bütün avtonəqliyyat vasitələri məcburi şəkildə sığortalanmalıdır". 

Dövlətin tələbini dövlətin tələbləri ilə işləməyə məcbur olan sığorta şirkətləri görəsən niyə təmin etmir? Axı sürücü yol patrul xidmətinin əməkdaşına "sistem işləmir" deyə sığorta etməyiblər deyə bilmir. Vətəndaşı lazımsız cərimələr və pul itkiləri ilə üz-üzə qoymaq olmaz. Tələblər qanunidirsə öhdəlik götürən şirkətlər zəhmət çəkib xidmət göstərsinlər. Əgər vətəndaş mühərrik həcmi 1500 kub/santimetrdən aşağı avtomobili ölkəyə gətirib sürməkdə heç bir qanuna zidd hal yaşamırsa niyə sığorta şirkətləri onu sığortalamaqdan boyun qaçırır? Sığorta şirkətləri dövlətin tənzimlədiyi qanunları nəzərə almalıdır. Öz iqtisadi dvidentlərini məhz bu qanunlar üzərində qurmalıdırlar. 

Hüquqi şəxs adına olan avtomobillərdə isə tam ayrı macəradır. Sığorta şirkətinin tələbinə əsasən lizinqdə olan avtomobilinə sığorta almaq üçün sürücü, sığorta şirkətinə, borclu olduğu lizinq şirkətinin nizamnaməsinin notarial qaydada təsdiqini bir sözlə əslini təqdim etməlidir. Bunu vətəndaşa ASAN xidmət mərkəzində fəaliyyət göstərən sığorta şirkəti deyib. Kənar şəxslərə heç bir halda verilməyən sənədin əslini tələb edilməsini isə cırtdanı xəlbirlə su gətirməyə göndərmək kimi nağıllara bənzətdik. Bəzi işbazlar ölkənin sığorta siyasətini məhv etməyə çalışır.

44GUN.AZ qarşı  tərəfin də mövqeyini tanıyır...