“İraero” Hava Yolları Ufa-Bakı marşrutu üzrə birbaşa uçuşlar həyata keçirməyə başlayır.

44gun.az xəbər verir ki, bu barədə Ufa hava limanının mətbuat xidməti məlumat yayıb.

Bildirilib ki, uçuşlar martın 29-da başlayacaq və çərşənbə günləri 100 yerlik “Sukhoi Superjet 100” təyyarələri ilə həyata keçiriləcək.

Səyahət vaxtı üç saat təşkil edəcək.

Qeyd edilib ki, bu artıq Ufadan Azərbaycanın paytaxtına uçuşlar proqramını açan üçüncü aviadaşıyıcıdır: çərşənbə axşamı “Utair 126” sərnişinlər üçün nəzərdə tutulmuş “Boeing 737-500” təyyarələrində, cümə axşamı və bazar günləri isə Azərbaycan Hava Yolları 106 sərnişin tutumuna malik Embraer 190 təyyarəsində uçuşlar həyata keçirir.