Azərbaycan əhalisinin Ermənistana (Qərbi Azərbaycana - red. ) qaytarılması tərəflər arasında dialoqda nəzərə alınmalıdır.

44gun.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

“Bu mövzu, bilirsiniz, çox həssasdır. Bu, tərəflərin özləri arasında dialoqda iki xalqın barışması kontekstində nəzərə alınmalıdır. Ermənistan-Azərbaycan normallaşması prosesinin əsasını ən yüksək səviyyədə üçtərəfli sazişlər toplusu təşkil edir. O, həmçinin humanitar məsələləri də əhatə edir. Bu gün əsas vəzifə Bakı və İrəvan tərəfindən qeyd olunan sazişlərin bütün müddəalarının ardıcıl şəkildə yerinə yetirilməsidir”, - deyə M.Zaxarova bildirib.