Ermənistan və Azərbaycan arasında münasibətlərin normallaşdırılması məsələlərinə dair danışıqlar üç istiqamətdə aparılır. Ermənistan hökumətinin mətbuat xidməti xəbər verir ki, bunu Ermənistanın baş naziri Nikol Paşinyan Almaniya Xarici Əlaqələr Şurasında (DGAP) deyib. 

44Gun.Az xəbər verir ki, 0nun sözlərinə görə, danışıqlar münasibətlərin tənzimlənməsi, regionda nəqliyyat kommunikasiyalarının və iqtisadi əlaqələrin blokunun açılması, sərhədlərin delimitasiyası və təhlükəsizliyin təmin edilməsinə dair razılaşmanı əhatə edir.

“Ermənistan hökuməti Cənubi Qafqaz regionunda sülh və sabitliyin bərqərar olması üçün qətiyyətli addımlar atır və Azərbaycanla danışıqlarda konstruktiv şəkildə iştirak edir.

Baş nazir əlavə edib ki, Ermənistan Bakı ilə Qarabağ erməniləri arasında müzakirə mexanizminin formalaşacağı məntiqi çərçivəsində Qarabağ məsələsini Ermənistan-Azərbaycan normallaşma prosesindən ayırmağa razılaşıb .

Paşinyan Azərbaycan ictimaiyyətindən “müəyyən dəstək” almaq istədiyinə də işarə edib.

“Biz sülh və əməkdaşlıq üçün müsbət imkanlara diqqət yetirməliyik. Sülh gündəmi mənim öhdəliyimdir və mən Azərbaycan ictimaiyyətindən də müəyyən dəstək almaq istərdim”, - deyə Ermənistanın baş naziri bildirib.