Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev jurnalistlərə açıqlamasında bildirib ki, yaxın vaxtlarda Şuşada ASAN Xidmətin açılması planlaşdırılır.

44gun.az-ın məlumatına görə o bildirib ki, Şuşada tikilməkdə olan ASAN mərkəzdə işlər yekunlaşmaq üzrədir: “Ümumiyyətlə, işğaldan azad edilmiş torpaqlara Böyük Qayıdış prosesi davam edir. Dövlət orada sıfırdan şəhər və kəndlər salır. Köçürülməzdən əvvəl orada “ASAN xidmət” mərkəzləri fəaliyyətə başlayacaq. Tezliklə Şuşada “ASAN xidmət” mərkəzi açılacaq”.

Mehdiyev onu da bildirib ki, bu il Naxçıvanda “ASAN Xidmət”in açılması planlaşdırılır və hazırda yekun iş gedir.