Honq-Konqda məşhur modelin keçmiş əri pul mübahisəsinə görə onu qohumları ilə birlikdə öldürüb doğramaqda şübhəli bilinir.

44GÜN.AZ oxu.az-a istinadən xəbər verir ki, 28 yaşlı Ebbi Çoyun qalıqları polis tərəfindən bağ evində tapılıb.

Axtarış zamanı hüquq-mühafizə orqanlarının əməkdaşları elektrik mişarı və ətçəkən maşın aşkar ediblər.

"Cinayət yerində içərisində bişmiş ət olan iki qab tapılıb. Bunun insan əti ola biləcəyi güman edilir", - polisdən bildirib. Lakin qadının başı hələ də tapılmayıb.

Çoyun Kvonq soyadlı keçmiş əri həbs edilir. O, qayıqla Honq-Konqu tərk etməyə çalışıb. Bir gün əvvəl onun atası, anası və böyük qardaşı saxlanılaraq qətldə ittiham olunublar.

"Biz inanırıq ki, zərərçəkmiş və onun keçmiş ərinin ailəsi arasında külli miqdarda pulla bağlı ciddi fikir ayrılığı olub", - polis cinayətin mümkün motivləri barədə bildirib.

Qeyd edək ki, Ebbi Çoy 22 fevral çərşənbə günü itkin düşüb. Hazırda onun keçmiş qayınatasının qətli təşkil etdiyi güman edilir.