Salyanda baş vermiş qəzada xəsarət alanın kimliyi məlum olub.

Qəza zamanı xəsarət alan “Kamaz” markalı yük maşınını sürücüsü, Masallı rayon sakini, 1986-cı il təvəllüdlü Məcidov Araz Arif oğludur.

Reanimasiya şöbəsinə yerləşdirilən yaralının koma vəziyyətində olduğu bildirilir.

Qeyd edək ki, yol qəzası bu gün səhər saatlarında Ələt-Astara magistral yolunun rayon ərazisindən keçən hissəsində qeydə alınıb. A.Məcidovun idarə etdiyi “Kamaz” markalı yük maşını qarşıdakı unla dolu eyni yük maşınının qoşqusuna, sonra beton maneəyə çırpılıb.

Qəza nəticəsində sürücü ağır xəsarətlər alsa da, yanındakı sərnişin, Masallı rayon sakini, 1986-cı il təvəllüdlü Kiçikbəyov Rahid Elçibəyi oğlu hadisə yerində ölüb.

Faktla bağlı araşdırma aparılır.

Salyanda baş verən yol qəzasında ölən və yaralanan var.

Hadisə yeni Ələt-Astara magistral yolunun Salyan rayonu ərazisindən keçən hissəsində qeydə alınıb.

İlkin məlumata görə, yol qəzası zamanı bir nəfər hadisə yerində ölüb. Müxtəlif dərəcəli xəsarətlər alan daha bir nəfər isə Salyan Mərkəzi Rayon Xəstəxanasına çatdırılıb.

Onların şəxsiyyəti dəqiqləşdirilir.

Faktla bağlı araşdırma aparılır./report/